Award 機位隨時出、隨時冇,你一個人守唔到 24 小時。 FeiFinder 將一班人各自搜嘅時候見到嘅位收埋一齊 —— 你訂低想飛嘅路線,有位就收 Email。
一次只睇到一日、逐日等 loading 嘅日子完咗。訂低就唔使再理。
你搜你嘅、我搜我嘅,見到嘅位合埋一個池。冇人需要額外做任何嘢。
你自己揀收信時段,每個時段最多一封摘要。唔會逐個座位變動嘈你。
照平時咁搜就得。三步。
擴充功能只喺訂票網站嗰一頁運作,順手記低畫面上已經出現咗嘅獎勵機位 —— 只讀你自己搜尋嘅結果,從不代你發任何搜尋。原始回應喺你部機解析, 只有整理過嘅欄位(路線、日期、艙位、座位數、里數)會上載。
揀出發地、目的地、日子、艙位同最少要幾多個位。多機場城市(例如東京) 可以一次過訂晒成田同羽田。Alpha 階段免費,每個帳戶最多 5 條。
當有貢獻者搜到你訂低嘅路線同日子有位,你就會喺自己揀嘅時段收到一封摘要。 每個時段最多一封。
呢啲唔係口講 —— 你可以喺 Chrome 網上應用程式商店嘅頁面,對返擴充功能實際聲明嘅權限。
FeiFinder
host 訂票網站網域
只喺呢個網域嘅頁面讀取搜尋結果。其他網站完全接觸唔到。
scripting
喺該網域讀取搜尋回應。唔會改動你見到嘅畫面、唔會改你發出嘅請求。
storage
存你嘅裝置 ID、語言同設定。留喺你部機。
notifications
有位嗰陣彈桌面通知。
alarms
定時檢查有冇新提醒。
sidePanel
顯示側邊欄介面。
四步,冇隱藏環節。
保存期、刪除方法、服務供應商 —— 全部列喺 私隱政策。
與其上架之後俾人發現,不如而家講清楚。
仲有其他想問?電郵我哋。
只有「邊條航線、邊日、邊個艙位、有幾多個位、幾多里數」呢類機位資料會入共享池,而且喺池入面唔會連到你身上。你自己嘅搜尋紀錄會連住你部機嘅隨機裝置 ID(要顯示返俾你自己睇),嗰啲屬於個人資料,由私隱政策保障。
唔會。擴充功能只聲明咗訂票網站嘅網域權限,冇要求全網存取。你可以喺 Chrome 網上應用程式商店嘅頁面自己核對。
電郵 alerts@feifinder.com,我哋會喺 30 日內處理。詳情見私隱政策同使用條款。
冇。FeiFinder 係獨立項目,同任何航空公司或訂票網站均無關聯、亦未獲其認可。
Alpha 階段免費,亦冇任何付費計劃。
得,但 award 位可以幾分鐘內出現又消失,一個人唔可能不停 refresh。當一班人各自搜唔同路線,大家見到嘅嘢合埋就變成一幅可用性地圖 —— 冇人需要額外做任何嘢。
電郵 alerts@feifinder.com,講一句你主要飛邊條線就得。名額開放時我哋會通知你。